Matematika ikasten

Lehenengo zikloan, ikasleak matematika-gaitasunak garatzen hasten dira, oinarrizko kontzeptuak ulertzeko eta aplikatzeko gaitasuna indartuz. Jarduera praktiko eta ludikoen bidez, ikasleek matematika oinarrizko elementuak lantzen dituzte:

• Zenbaki-zentzua: Ikasleek zenbaketa sistematikoa eta zenbaki txikien manipulazioa lantzen dute. Hiru zifrako kantitateak irakurtzen eta idazten  hasten dira, kalkulu mentalerako estrategiak erabiltzen hasiz.

• Espazio-zentzua: Figura geometriko sinpleak identifikatzen eta irudikapen espaziala garatzen dute, eguneroko objektuekin erlazioak ulertuz.

• Arazoen ebazpena: Batuketa eta kenketaren bidezko arazo sinpleak eguneroko egoeretan aplikatzen dituzte.

• Finantza-hezkuntza: Europako diru-sistemaren kontzeptuak aurkezten zaizkie, adibidez, txanponak eta billeteen balioa.

Bigarren zikloan, ikasleek kontzeptu konplexuagoak lantzen dituzte eta logika matematikoa aplikatzen hasten dira. Matematikaren erabilera praktikoan sakontzen da:

• Zenbaki-zentzua: Batuketa, kenketa, biderketa eta zatiketaren bidezko eragiketa sistematikoak lantzen dira. Faktore komunak eta zatigarritasuna ulertzen hasten dira. Zenbaki dezimalekin hasten dira baita ere.

• Neurrien zentzua: Luzera, edukiera eta pisua neurtzeko tresna eta unitate estandarren erabilera lantzen da. Denboraren neurketarekin hasten dira (adibidez, orduak eta minutuak erabili denbora kalkulatzeko).

• Geometria eta espazioa: Bi eta hiru dimentsioko irudi geometrikoak sortu eta analizatzen dituzte. Gainera, perimetro eta azalera kalkulatzeko oinarrizko estrategiak barneratzen dituzte.

• Estatistika eta datuen analisirako sarrera: Grafikak interpretatzen eta datu estatistikoak aztertzen ikasten dute.

• Finantza-hezkuntza: Gastuak eta aurrezkiak planifikatzen ikasten dute eta erabaki kontzienteak hartzen ikasten hasten dira.

Hirugarren zikloan, ikasleek gaitasun aurreratuak garatzen dituzte, autonomia eta pentsamendu kritikoa indartuz. Matematikaren konplexutasuna areagotzen da eta eguneroko bizitzan aplikazioak bilatzen dira:

• Zenbaki-zentzua: Zatikiak, hamartarrak eta portzentajeak kalkulatzeko estrategiak lantzen dituzte, baita proportzioak ulertzeko gaitasuna ere.

• Neurrien zentzua: Bolumenak kalkulatzeko eta hiru dimentsioko irudien propietateak aztertzeko tresnak erabiltzen dituzte.

• Geometria eta espazioa: Hiru dimentsioko geometriaren aplikazioak lantzen dira (adibidez, poliedroen bolumenak eta angeluak kalkulatzea).

• Estatistika: Estatistika tresna aurreratuak erabiltzen dituzte, hala nola barra-diagramak eta histogramak, datuak biltzeko eta aztertzeko.

• Aljebra: Ekuazio sinpleak ebazteko eta eredu matematikoak sortzeko gaitasuna garatzen dute, bizitza errealeko egoerak irudikatuz.

• Arazoen ebazpena: Arazo konplexuen aurrean estrategia sortzaileak garatzen dituzte eta taldean lan egiteko trebetasunak hobetzen dituzte.

​

Oinarrizko Jakintzak

Ziklo guztietan, irakasleek ikasleak gidatzeko tresna zehatzak dituzte, eta hauek matematika arloko jakintzak modu progresiboan eta eraginkorrean barneratzeko aukera ematen dute. Helburua da autonomia sustatzea, pentsamendu kritikoa garatzea eta ikasleen sormena piztea.